31.2 C
Manila
Friday, March 29, 2024

Spanish National Namaligya Sa Ginadiling Droga Patay Sa Shootout Sa Buy-Bust Operation

- Advertisement -

Patay ang isa ka Spanish National human misukol sa PDEA, General Luna Police ug sa Regional Mobile Force Company sa gipahigayong buy-bust operation kagahapon Enero 8, 2020 sa may ala 1:40 ang takna sa kaadlawon.

Naila ang suspect nga namatay nga si DIEGO LAFUENTE, hingkod ang pangidaron, Spanish National, kasamtangan nag puyo sa Brgy. 3 General Luna, Siargao, Surigao del Norte.

Sa imbestigasyon nasayran nga samtang nagpahigayon ug buy bust operation ang mga otoridad, nakamatikod na ang suspect nga ang iyang katransaksyon isa na ka Police Officer ug kalit nga gipunit ang iyang kalibre 45 nga armas ug gipabuthan ang mga operatiba ka duha nga higayon.

Napugos ang mga operatiba sa pagdepensa sa ilang kaugalingon pinaagi sa pagpabuto ngadto na sa suspect nga miresulta sa iyang kamatayon. Daling gidala ang suspect sa Siargao District Hospital apan gideklara kining dead on arrival ang pinaagi ni Dr. Elizabeth Gio.

Sa imbestigasyon sa SOCO narekober sa crime scene ang cocaine nga gibana-bana motimbang sa 10 grams sa kantidad P30,000 ka pesos ug mga basiyo sa bala. (RPN DXKS via Ronda 21 Mark James Lisondra)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -