28.6 C
Manila
Friday, March 29, 2024

Sobra Duha Ka Libo (2,000+) Ka Myembro Sa Transport Sector Sa Probinsya Sa Sarangani Nakadawat Og Mga Sinakong Bugas Ug Mga Tray Sa Itlog Manok, Samtang Displaced Workers Sa Sarangani Nakadawat Usab Og Cash Assistance Gikan Sa DOLE-Tupad Program

- Advertisement -

Hilabihan ang kalipay sa kapin duha ka libo (2K+) kabuok myembro sa transport sector sa probinsya sa Sarangani human nga nakadawat sila og dungag ayuda sa Provincial Government sa Sarangani ning nagpadayon karon nga pandemya.

Pagkahuman nga natagaan sila og Singko Mil ka pesos (₱ 5K) nga SAP kon social amelioration program sa DSWD, kadtong wala matagai og hinabang sa gobyerno, laing kaayuhan na usab ang ilang naangkon. Tagpulo ka kilo (10 kilos) nga bugas ug usa (1) ka tray sa itlog manok ang nabatunan sa matag myembro.

Gituyok nila Program Manager Merly Nebres, ang presidente sa STARTED kon Sarangani Transport Alliance for Reform and True Development, kuyog si Operations Officer Ms. Sharon Esportuno, ang pito (7) ka lungsod sa Sarangani aron apuran sa maong mga sinakong bugas ug trays sa mga itlog para panud-an.

Ang STARTED ang nag-inusara nga provincial transport federation sa entiro Sarangani Province nga gi-organisa mismo ni Governor Steve Chiongbian Solon sa dihang bise gobernador pa kini tuig 2008. Gilangkuban ang STARTED sa mga asosasyon ug kooperatiba sa mga driver ug operator sa van, multicab, jeep, tricycle, traysikad, bisan pa mga habal-habal nga transportasyon sa kabukiran.

Sa mga sinakong bugas ug trays sa itlog manok nga gipanghatag, naka-benipisyo kini og dise nuybe (19) kabuok transport association ug siyam (9) ka transport cooperative sa tibuok Sarangani.

Segun ni Alabel multicab ALTRANSMULCO Chairman Blessardo Clavel ug BALUNTODA tricycle Chairman Michael Tan, dako ilang pagdayig ngadto sa pamunuan sa STARTED ug kang Governor Solon tungod sa subling pagdawat nila og mga grasya. Wala na matud pa silay tarong pangita tungod wala na silay tarong nga byahe. Bisan si Alabel Mayor Nonoy Salarda ang ilang gipasalamatan sa kaayuhan nga gihatag usab kanila gikan sa munisipyo.

Samtang, sa pikas nga bahin, nadawat na sa mga kwalipikadong displaced worker sa Sarangani Province ang cash balor og ₱ 3,260 matag usa gikan sa DOLE-TUPAD program. Si Bernardo Agor, taga-Kanalo, Maasim, ang nidawat bag-uhay lang og ₱ 3,260 cash pinaagi sa Pera Padala. Kanhi syang trabahante sa usa ka mall sa GenSan.

Malipayon ang Public Employment Service Office/PESO Maasim sa pagpanguna ni Mayor Zyrex Pacquiao nga ubay-ubay sa mga taga-Maasim ang naka-benipisyo sa maong programa, kadtong labing naapektuhan sa mga nangagi nga lockdown. Sila kadtong mga underemployed, self-employed, home-based workers, vendors ug anaa sa hut-ong sa transportasyon sa probinsya sa Sarangani.

Natigayon matud pa kini sa pagpaningkamot nila Governor Solon og PESO Province Manager Ms. Glenda Revaño, sa dakong pagtabang sa DOLE Region XII ug DOLE Sarangani Field Office, sa pag-ayuda nila Senador Manny ug Congressman Ruel Pacquiao, Vice Governor Elmer De Peralta, tanang board member ug mga mayores.

Kahibaluan nga adunay nadungag dul-an 600 kabuok Sarangan ang naka-benipisyo sa programa sa DOLE-TUPAD. Sila ang 4th batch. Ang nanglabay nga tulo (3) ka batch ang libuan pud ka mga taga-Sarangani ang naka-benipisyo. (Sarangani –  Public Information Office)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -