Gikonpirma ni acting city health officer Dr. Lorraine J. Nery nga as of June 6, 2021 muabot na sa 30,126 ka mga Kagay-anons ang nabakunahan batok COVID-19 sa Cagayan de Oro.
Naglangkob kini sa priority groups A1 health workers, A2 senior citizens ug pipila ka mga A3 o’ persons with comorbidities.
Sa maong gidaghanon, 16,055 ang naka-kompleto na sa duha ka doses ug 14,071 ang first dose.
Dugang usab ni Dr. Nery nga sigun pa sa Department of Health Region 10 adunay moabotay nga Sinovac vaccines karong adlawa, Hunyo 8 ning tuiga..
Sa laing bahin, gipahinumduman ang mga 2nd dosers sa Sinovac vaccine karong semanaha nga maghulat gihapon sa confirmatory text gikan sa Data Management and Monitoring Team sa petsa, oras ug venue sa pagbakuna ug dili kalimtan ang pagdala sa vaccination cards.
(AGP, photo courtesy by Roel Felicitas | City Information Office)