Radio Philippines Network
DXKT Davao News Provincial News

Shabu Laboratory Sa Tagum City Gironda, 23 Milyon Pesos Nga Shabu Nakompiska

Davao del Norte –  Malampuson nga nadiakobrehan sa mga sakop sa Philippine Drug Enforcement Agency XI kauban ang mga sakop sa Tagum City Police Office ang giingong Shabu Laboratory sa Bagani, Brgy. Cuambugan syudad sa Tagum.

Nakuha sulod sa giingong laboratory ang mga pinutos nga gituuhang shabu ug mga kemikal ingon man ang mga kagamitan sa paghimo ug shabu.

Pinasubay sa report gikan sa Tagum City Police Office nga ang balay nga gironda gipanag iyahan sa usa ka Marivic Wong Tan Casis kinsa napriso sa PDEA Detention Cell niadtong tuig 2018 gumikan sa pagkalambigit sa Illegal nga droga.

Nasayran pa nga napalit na ang maong balay ug sa dihang giguba kini, unang nakita sa atop nga bahin ang mga pinutos sa iligal nga druga.

Tungod sa nadiskobrehang Shabu dali nga gipahibalo sa Kapolisan ang insedente. Dihang girespondihan ang lugar, dagkong putos sa mga iligal nga druga,mga kagamitan ug mga kemikals sa ka kusina nga bahin nga mitimbang ug 1,555 grams nga gibanabanaan nga dunay street value nga mukabat sa ₱ 23, 325,000.

Sa pagka karon, nagpadayon ang gihimong imbistigasyon sa Tagum City Police Office aron masayran kung kinsa ang nanag iya sa giingong Laboratory aron mapasakahan ug kaso sa Korte.
(Tagum City Police | OIC Michael Manguhig, RPN DXKT Davao)

Related posts

Minor naaresto gumikan sa paglugos sa 28-anyos nga babaye sa Gusa

RPN News

Army Lauds Citizen Behind Foiled NPA Attack

RPN News

Pamahayag Ni Alpio Fernandez Amahan Sa Namatay Nga Tricycle Driver Na Si Robert Jun L. Fernandez, 22 Anyos Na Taga Purok 5, Canlanipa, Surigao City

RPN