Nangipila ni Senador Imee Marcos ti gakat a mangamendar ti RA 11469 wenno ti “Bayanihan to Heal as One Act” babaen iti Senate No.1427
Daytoy ket gapu iti kalikagum ti Senadora a mairaman dagiti kameng ti Media kadagiti Frontliners ti Pagilian iti pananglaban ti Covid-19.
Inlawlawag ti Senadora a gagem ti gakat a mabigbig ti saana magatgatadan a kontribusyon dagitoy kabayatan ti panagpaspasar ti intero a lubong iti Krisis
Segun ken ni Sen. Imee dagiti kameng ti Media ti agtultuloy a mangipaay ti inpormasyon iti Publiko iti baet ti kaada ti posibilidad a mabalin a pannakairisgo ti salun-at dagitoy.
Mainaig iti daytoy nailanad iti gakat ti senador a masapul a maipaayan dagiti kameng ti media ti “Special Risk Allowance” a maiyasping iti maipapaay kadagiti dadduma a Frontliners.