Nangipila ni Senador Imee Marcos ti gakat iti senado tapno saan nga agsadag ti pagilian kadagiti naangkat a “Medical Supplies” kas iti Personal Protective Equipment nga us-usaren dagiti health care workers iti daytoy a panawen ti krisis.
Daytoy ket ti Senate Bill 1708 wenno “Health Care Manufacturing and Pandemic Protection act”.
Paset daytoy iti kalikagum ti Senador a mapapigsa dagiti local a kompania nga agar-aramid iti PPE’s ken dadduma pay a “medical supplies” babaen iti panangipaay kadagitoy ti insentibo ken “ tax exemptions”.
Kagiddan daytoy, inawis ni Marcos dagiti local manufacturer a mangbukel iti “innovation” ken mangpanunut iti sabali a materials a mabalin nga isukat kadagiti “materials nga aggapgapo iti sabali a pagilian.
Malaksid iti daytoy, ilunglungalong ti senador a libre wenno saan nga agbayad ti buwis dagiti local manufacturers pakairamanan dagiti dadduma pay a baybayadanda iti nadumaduma nga ahensia kas iti Bureau of Customs ken iti Bureau of Food and Drugs Administration.
(Source: Press release from Communications and Media Office of the Provincial Capitol of Ilocos Norte)