Ginutigot ni Senador Imee Marcos dagiti dua a pagpandayan linteg ti pagilian a mangipasa ti gakat a mangipababa ti ‘’Corporate Income Tax’’ iti lima a porsiento a mangipaay ti ‘’Economic Relief’’ kadgiti negosyo, magesdan ti lay-off ken maatrakar ti Foreign Investment iti baet ti mapaspasaran a COVID-19 pandemic.
Imbatad ni Marcos, Chair ti Senate Committee on Economic Affairs, masapul nga adda ti gakat a mangisina iti nasao a buis manipud iti Corporate Recovery and Tax Incentives for Enterprises Act wenno CREATE sakbay ti hunio singo a recess.
Inlawlawagna nga agtultuloy ti panagprotesta dagiti ‘’Export Companies’’ iti pannakaikkat dagiti ‘’Business Incentives’’ a makatultulong kadakuada nga ibilbilang ti Department of Finance ken ti National Economic Development Authority a lugi ti gobierno.
Imbatadna a nakasaganada nga ag-overtime tapno maipasa ti CREATE ngem awan met pay ti naidasar a gakat.
Impetteng ti senador a ti madagdagus a pannakaipasa ti gakat a mangipababa ti Corporate Income Tax ti mabalin a mangitunda ti panangikunsiderar dagiti Foreign Investors itii Pilipinas nupay ‘’Top Priority’’ da ti Vietnam, Thailand ken Indonesia gapu iti kinababa ti tax rates kadagiti kadagiti nadakamat a pagilian.