Nagballaag ni Senador Imee Marcos kadagit marigrigat a Pilipino ditoy pagilian ken ballasiw taaw kadgiti bukod da a financial transactions apaman a desisionan ti Paris based-Financial Action Task Force iti daytoy a bulan a mangideklara a saan nga umdas nga ar-aramiden ti Pilipinas tapno mapogipog iti money laundering.
Kuna ni Senador Marcos, Chairman iti Senate Committee on Economic Affairs a nasken nga ipangag dagiti agpanpanday linteg iti kiddaw ni Pres. Rodrigo Duterte nga insigida a maamendaran iti Anti Money Laudering Act wenno AMLA.
Maamak ni Marcos gapu ta maapektaran ti International Sanctions dagiti Overseas Filipino Workers, negosyante ken dagit local a bangko iti kanito nga ideklara ti FATF ti Pilipinas kas money laundering hotspot.
Intantandudu ni Marcos a maamendaran iti AMLA ken iraman kadagiti rekomendasion ti FATF iti inpila na a Senate Bill No. 1545 tapno maikkat ti Pilipinas iti ‘’grey list’’ gapu ti saan nga umiso a panangusar iti International Financial System.
Gagem iti gakat ni Senadora Marcos a maipaayan ti bileg ti anti money laundering council a mangaramat iti investigative ken surveillance techniques, mangsobpena kadagiti suspetsa, mangisayangkat iti search operations, mangkumpiskar kadagiti sanikua ken saan a mabalin a lapdan dagiti kurta malaksid laeng iti Court of Appeals wenno kurta suprema.
Malaksid iti panangsurot kadagiti international standard kadagiti financial transactions, gagem pay iti gakat ni Marcos a mapogipog iti panang-finance kadagiti terorista a grupo iti pagilian babaen iti panangsurot iti united nations security council resolutions a mangilista kadagiti individual ken grupo a matrap a terorista. (Rosita Macalipis, RPN DZRL Batac Correspondent)
(Source: Communications & Media Office – Provincial Government of Ilocos Norte)