Dakong kalipay sa mga trabahante, negosyante ug mga stakeholders sa GenSan Fish port karong adlawa human nga mibisita ang duha ka senador sa nasud nga sila Senator Bong Go ug Senator Manny Pacquiao ug nagbitbit kini ug mga food packs ug financial assistance para sa mga mananagat ug mga laborer sa GenSan Fish port.
Pinaagi sa mga opisyal sa DSWD region 12 nakadawat ug hinabang ang kapin 300 ka mga beneficiaries ilabina ang cash assistance nga gitunol sa pagpanguna ni Regional Director Cessario Espejo ug mga kaubanan. Gitunol usab ni Bong Go ang food packs , facemask ug face shields sa maong mga tawo nga gitabang sa gobyerno niining panahon sa krisis tungod sa global pandemic nga COVID-19.
Gidayeg usab niini ang iyang kaubang Senador nga si Manny Pacquiao tungod sa gipakitang tabang ug malasakit sa katawhan . Nanawagan kini nga suportahan si Presidente Rodrigo Duterte sa iyang administrasyon tungod wala kini laing handum mao nga tabangan ang katawhang Pilipino ug wala na kini naghandum nga mangurakot tungod 75 anyos na kini ug walay laing handum nga mawala ang korapsiyon sa gobyerno sa Pilipinas.
Dugang pa niini, mipirma ug bag-ong balaud si Presidente Duterte aron mas gukuron pa ang mga kurakot sa gobyerno dili lamang sa Philhealth . Sa mga tawo nga madakpan nga mangawat sa kwarta sa gobyerno ipakaon ni Duterte sa ilaha kon madakpan sa susamang hinimuan matud pa ni Go.
Samtang mensahe usab ni Senator Manny Pacquiao atoll sa maong events mao nga nanawagan kini ug suporta ug tinabangay kontra COVID-19 ug ang paghatag ug paglaum bisan pa man sa nasinatian nga krisis tungod sa pandemya . Motuman sa mga health protocol susama sa pagsuot ug facemask , face shield ug mag social distancing kay dili makita ang kagaw sa COVID-19. Pipila ka mga opisyal sa Fishing Federation ang mitambong usab sa maong programa lakip ang Presidente sa GenSan Chamber of Commerce and Industry President Elmer Catulpos , taga – DOLE 12, Department of Agriculture ug ang labaw sa PFDA kon GenSan Fish port. (Roniel Degorio, RPN DXDX GenSan)