Seguridad Ug Billeting Centers Sa SRAA Meet 2020 , Andam Na, SDS Flores

Gikumpirma ni Gensan City Schools Division superintendent Romelito Flores sa Dep-Ed atol sa phonepatch interview nga andam ug kasado na ang tanan alang sa ipahigayon nga Socsargen Regional Athletic Association meet 2020 karong Marso 2-6 dinhi sa syudad sa Gensan nga salmutan sa halos 7,000 ka mga atleta ug sports officials sa tibuok rehiyon dose. Giandam na usab ang security plan sa tanang mga billeting centers pinaagi sa pagbutang ug mga Police ug force multipliers. Samtang gimanduan usab ang mga school officials sa siyam (9)ka mga skwelahan nga gamiton nga billeting area nga ayuon ang mga suga (lighting facilities ) ug mga tubig ug uban pang panginahanglan sa mga atleta samtang nia sila sa Gensan apan gipaklaro nga ang mga delegado sa matag probinsya ug syudad ang maoy mo provide sa ilang pagkaon. Atol sa final meeting kauban si Dep ed Rd Allan Farnazo nasabutan usab nga kinahanglan nga manglimpyo ug magpakabana batok sa Covid 19 ug mogamit ug alcohol ug kanunayng i remind atol sa mga padula ang paglikay sa sakit. Adunay mga nurses ug uban pang mga health personnel nga maka deploy sa mga event area ug mga billeting centers. Lunes marso 2, nakatakdang magsugod ang dula sa Sraa samtang ang opening program ipahigayon sa lagao gym marso 3 uban sa bisita nga kadagkuang opisyal sa Dep ed ug sa national government. Naglaum si SDS flores nga mohakot ug dalhang bulawang medalya ( gold medals) ug makuha ang kampyonato sa Gensan aron mahimong morepresentar sa 2020 Palarong Pambansa sa bulan sa abril sa syudad sa Marikina.