DAVAO CITY – Mas gipahugtan karon sa nagkadaiyang Law Enforcement Agency sa rehiyon onse human ang nahitabong pagbusikad sa Bomba didto sa Isulan Sultan Kudarat nga mikalas sa duha ka kinabuhi samtang 36 ang angol.
Gipaneguro ni Police Regional Office Spokesman Police Chief Inspector Milgrace Driz ngadtu sa pobliko nga mas gitutukan karon sa kapolisan ug kasundaluhan ang mas gipahugtang seguridad… gilauman nang daan sa kapolisan nga dunay posibilidad nga nagplano pa ang mga terorista sa laing terroristic activities sa nagkadaiyang dapit sa nasud.
Gitakda na usab nga magpahigayon ug Regional Law Enforcement Coordinating Conference aron hisgutan ang mga lakang nga mapugngan ang susamang nahitabo sa Isulan Sultan Kudarat.
Sa pikas bahin, gibutyag usab ni Davao City Police Office Spokesperson Police Senior Inspector Ma. Teresita Gaspan nga nagpabilin pa gihapon ang laert status sa syudad ilabi na nga padayong gipatuman ang Martial Law sa Mindanao.
Hinuon gipaneguro sa Pobliko ni Davao City Mayor Inday Sara Duterte nga nagpabiling luwas ang syudad batuk sa mga teroristang grupo. Sumala pa sa Mayor nga nagpabiling hugot ang seguridad sa syudad human ang nahitabong pagpamomba sa Roxas Night Market niadtong nakalabayng tuig 2016 nga mikalas usab sa daghang kinabuhi.