CAGAYAN DE ORO CITY – Gipahimutang sa Camp Alagar ang entiro syudad sa Cagayan de Oro ug entiro Amihanang Mindanao ubos sa fuel-alert status human sa pagpamomba didto sa Jolo, Sulu niadtong adlawng Domingo. Matud ni Police Regional Director Chief Supt. Timoteo Pacleb nga gipalig-on karon sa otoridad ang ilang seguridad aron malikayan ang susamang insidente nga mahinabo dinhi sa rehiyon.
Ang security measures sa rehiyon gihimo 24 oras sa matag adlaw. Nanawagan usab ang Camp Alagar ngadto sa katawhan nga magpabiling kalmado ug motabong pinaagi sa pagmaigmat samtang kalmado ug motabang pinaagi sa pagmaigmat samtang ang police uban sa military naghimo sa ilang trabaho aron masecure ang mga syudad ug probinsya sa rehiyon.
Sa iyang kabahin, gisugilon ni Supt. Sunki Sereñas, ang Camp Alagar spokesman nga nagagamit sila sa high trained nga mga bomb sniffing dogs atol sa ilang himuong inspection.
Maoy ilang gibantayan karon ang simbahan, mga tindahan, diin kalagmitan dugukan sa katawhan sama sa malls, merkado nga diin aduna silay higpit nga koordinasyon sa mga security service providers.
Ang publiko dinhi sa syudad sa Cagayan de Oro ug Region 10 gihatagan na sa listahan sa mga hotline numbers sa kapolisan aron dali kini makasumbong sa mga kadudahang tawo.