- Advertisement -
Naka-alerto na ang Philippine National Police (PNP) kasabay ng nalalapit na ika-51 founding anniversary ng CPP-NPA sa nalalapit na Disyembre 26.
Ito mismo ang kinumpirma ni PNP Spokesman Brig. Gen. Bernard Banac kung saan ibinaba na rin ang direktiba sa lahat ng police units para magtaas ng alert level.
Aniya, layon nito na mas paigtingin ang seguridad at hindi malusutan ng anumang klase ng pag-atake mula sa rebeldeng grupo.
Gayunman, tiniyak naman ni Banac na suportado ng pulisya ang muling pag-buhay sa usapin pang-kapayapaan.
- Advertisement -