- Advertisement -
Pinalawig pa ng Malacañang hanggang sa ika-15 ng Hulyo ang enrollment na dapat sana’y magtatapos kahapon.
Gayuman, apela naman ni Presidential Spokesperson Harry Roque sa mga magulang, huwag nang antayin ang ika-15 ng Hulyo bago i-enroll ang kanilang mga anak.
Aniya, hindi dapat hayaan ng mga magulang ma matigil sa pag-aaral ang kanilang mga anak sa kabila ng banta ng coronavirus disease 2019 (COVID-19).
Inamin naman ni Roque na naging matumal ang enrollment sa pagbubukas ng klase ngayong taon lalo na sa mga pribadong eskwelahan.
Batay naman sa pagtaya ng Department of Education (DepEd), tinatayang nasa 15,220,325 na ang mga nakapag-enroll sa mga pampublikong paaralan sa bansa habang 672,403 naman sa mga private schools.
- Advertisement -