Huli sa determinasyon asin passion ni Bernadette de Los Santos, dikit-dikit na ngunian na nabibisto an saiyang home made native bags na ngunian pinag-aagawan kan mga bistadong fashionestas asin local celebrities.
Ini matapos na maka-abot an saiyang produkto duman sa New York na konsideradong sentro kan negosyo asin fashion world.
Kabali na nakariparo kan saiyang magayon na mga gibo iyo an mga local celebrities na sinda Hearth Evangelista-Escudero, Miss Universe Pia Wurtzbach asin socialite Tessa Prieto Valdez.
An passion sa pagburda, pag-gibo nin mga bags asin accessories an nagpabisto ki de Los Santos duman sa metro manila, hasta sa maka-abot an saiyang produkto sa luwas kan nasyon.
Sa ngunian igua siya nin binubuhay na mga kababaihan, mga misis na boot magkaigua nin sadiring income sa paagui kan pag-gibo kan nasabing produkto sa banwaan nin Baao, Camarines Sur.
(Source: LGU Baao, Camarines Sur)