Iriga City – Saro ining 60-anyos na lalaki taga Baao na nagkumitir nin Suicide kan nakaaging aldaw na Martes. Sa impormasyon gikan sa MSWDO Baao, sinasabing nagkaigwa nin depresyon an lalaki ta dae kaini maako na gadan na an saiyang agom.
Napag-araman na an saiyang agom enot na nagadan nin huli sa helang. Alagad padangat na maray ini kan nasambit na persona rason para putulon na man kaini an saiyang buhay.
Nakatalaan kuta na ilobong an agom na babayi kasuudma alagad dae nadagos nin huli sa makamundo na insidente nin pagpapatiwakal imbwelto an agom man sana.
Igwang mga aki an persona. Herak man. Dae na sinabi kun saen na Brgy sa Baao.
Sa datus kan Municipal Social Welfare and Development Office (MSWDO sa Baao, sinasabing maabot na sa pito (7) an nairehistro nin pagpapatiwakal sa paglaog kan taon 2021.
An MSWDO Baao nangangapudan sa mga nakakamati nin depresyon na bukas an saindang opisina para sa pag-urulay.
(Source: Rinconada News)