33.8 C
Manila
Friday, March 29, 2024

SARANGANI PROVINCE GIBISITA ARON MAKAMUGNA OG NATIONAL STRATEGIC PLAN SA EARLY CHILDHOOD CARE AND DEVELOPMENT (ECCD)

- Advertisement -

SARANAGNAI PROVINCE- Dili ra sila DENR Assistant Secretary Corazon Davis og mga International Charity Organization ang nibisita sa probinsya sa Sarangani unang bulan pa lang karong tuiga 2019 kundili niduaw usab ang National Secretariat sa ECCD Council kon Early Childhood Care and Development Council tungod usa ang Sarangani sa lima (5) ka lugar sa Pilipinas nga ilang gipili aron basihan nga makamugna og National Strategic Plan sa ECCD maoy giya sa nasyonal nga panggamhanan sa musunod nga napulo (10) katuig hangtud tuig 2030.

Segun ni Ms. Katrina Libron, ang planning officer sa ECCD Council Secretariat, ilang gibisita ang Muntinlupa City, Davao City, Quezon Province, Catbalogan City sa Samar, og ang Sarangani Province sa pagpanguna ni Governor Steve Chiongbian Solon, aron makakuhag silag aktwal nga impormasyon og mga maayong pagtulun-an sa nahimong nindot nga implementasyon sa ECCD.

Ang programa sa ECCD kon Early Childhood Care and Development ang gipatuman aron tutukan unang-una ang early childhood education sa mga bata pinaagi sa pagpabarog sa mga day care centers. Tungod sa K to 12 basic education curriculum sa Department of Education, ang sais (6) anyos karon ang anaa na sa Grade 1, maong gipakusgan pa ang ECCD sa mga kabataan nga wala pa kaabot sa maong pangidaron.

Sa datus sa ECCD National Council, usa ang Sarangani nga nailhan nga adunay maayong pagpatuman sa ECCD services dili ra sa early education sa mga bata kundili apil na sa ilang panginahanglan sa panglawas, nutrisyon og social protection. Gawas pa niini, naila usab matud pa ang Sarangani nga adunay daghang mga NGOs kon non-government organization ang ga-ayuda sa kaayuhan sa mga kabataan.

Matud pa ni Planning Officer Libron, buot nilang tun-an ang kalampusan og mga hagit sa implementasyon sa Sarangani Province taliwala nga lagyong mga lugar ang gikahimutangan sa mga day care center anaa sa mga kabukiran nga kasagaran matud pa gipuy-an sa mga kaigsoonang lumad, hilabi na sa lungsod sa Malungon og Alabel. Kini nga mga best practices sa Sarangani og uban pang lugar nga ilang gibisitahan ang buot nilang kapanaminan og sundugon sa ubang probinsya og syudad.

Importante matud pa nga pulido nga mabuhat ang ECCD National Strategic Plan gikan tuig 2019 hangtud tuig 2030 aron lig-on ang basihan sa pag-alokar og pondo og uban pang policy support gikan sa nasyonal padulong sa mga lokal nga gobyerno. Ang ECCD National Council ang attached agency kini sa DepEd og mga myembro niini ang DSWD, DOH, ULAP kon Union of Local Authorities of the Philippines og pribadong sektor.

Sa maong pagbisita sa ECCD National Secretariat kauban sila Vice Governor Elmer De Peralta, Board Member Joseph Calanao, PSWDO Officer Raquel Panal og Provincial Health Officer Doctor Arvin Alejandro, nagpasalamat si Libron ngadto sa pamunuan ni Governor Solon tungod apil gayud sa prayoridad sa Sulong Sarangani flagship program ang ECCD, sa pagsuporta nila Senador Manny og Congressman Ruel Pacquiao, tanang board member, mayores og mga kapitanes

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -