Davao City – Malipayon ang pipila ka mga residente sa Barangay 76-A Bucana sa Dakbayan sa Dabaw human sila makadawat ug hinabang gikan sa nagkahiusang individual ug Kagamhanan human sila maigo sa kalamidad sa imaging adlaw.
Mokabat sa 42 ka mga pamilya ang naigo sa MoonSoon Wave dili pa lamang dugay sa baybayon sa Bucana Barangay 76-A Bucana ning syudad. Nasayran nga lima (5) ka mga panimalay ang totally damage samtang tulo (3) usab ang partially damage hinungdan nga nagpatabang ang mga pamilya nga makabarog ug balik sa ilang mga panimalay.
Hinuon, Personal nga mibisita si Special Assistant to the President Christopher Lawrence Bong Go aron susihon ang kahimtang sa mga biktima sa kalamidad. Kauban ni Bong Go sa paghatag ug hinabang ang mga personahe sa Department of Social Welfare and Development, Department of health u gang JC Premier Cares nga mga supporter ni Bong Go.
Ang mga hinabang naglangkob sa mga gamit sa Kusina, pangkatulog, Groceries, mga building materials sama sa Sin, kahoy, lansang ug daghan pang uban. Gitunulan usab ang mga biktima ug Cash Assistance samtang nanghatag usab si Bong Go ug Sapatos lakip ang Relos sa lima ka pamilya nga totally damage ang ilang balay sa MoonSon Wave.