SAN BENITO MIPASAR KARONG BAG-O SA 2019 GOOD FINANCIAL HOUSEKEEPING
Mipasar sa 2019 Good Financial Housekeeping ang LGU San Benito, Surigao del Norte basi na sa migawas nga talaan sa additional LGU Passers as of June 5, 2020.
Basi sa maong additional passers sa 2019 Good Financial Housekeeping, bugtong ang LGU San Benito maoy nakapasar gikan sa probinsya sa Surigao del Norte ubos sa rehiyon sa Caraga, ug gisundan kini sa ikaduha hangtod ikalima nga luna sa mga LGUs sakop sa probinsya sa Camarines Sur ubos sa rehiyon V; ikaunom nga luna nakuha sa LGU Baras, Catanduanes, ug ang ikapito nga luna nakuha sa LGU Uson, Masbate diin parehong nahisulod sa rehiyon V.
Ang maong talaan sa additional LGU Passers ang pirmado usab ni Atty. Odilon Pasaraba, ang Director lV sa Bureau of Local Government Supervision (BLGS).
Gumikan sa bag-ong nakab-ot nga dungog sa maong lungsod, ang gikalipay kini ug dako sa mga taga San Benitohanon uban sa ilang pagpasalamat kang Municipal Mayor Gina Sumando Menil.
Kahinumduman nga usa ang LGU San Benito sa mga gidayeg sa DILG Caraga gumikan sa mga best practices nga ilang gipakigbahin alang sa paglikay, pagpugong ug pagpahiangay sa giingong new normal, ug gidasig nga ipadayon ang paninguha alang sa lig-on ug maluluy-on nga pagpangulo ning panahon sa krisis. (Jun Prex Salubre, Ronda 6 RPN DXKS)