Cebu City- Nakatala og duha ka patay sa dengue ang Cebu City Health Office sa milabayng buwan hinungdang gipaubos ang siyudad sa heightened alert sa maong sakit.
Sumala pa ni City Health Officer Daisy Villa, nakarekord silag 286 ka kaso sa dengue fever sa pipila ka barangay gikan sa Enero 1 ngadto sa Pebrero 1.
Ang maong gidaghanon mas minos og halos 50 porsyento kon itandi sa milabayng tuig nga miabot og 485 ka kaso.
Matod ni Villa, nagpasabot kini nga nagpakabana na ang katawhan sa pagkatap sa dengue pinaagi sa hustong pagpanglimpyo sa palibot.
Pero ang  fatality rate o kamatay misaka og punto 97 porsyento kon itandi sa samang panahon sa miaging tuig nga tulo ang natalang patay.
Sumala pa ni Villa, ang pagsaka sa fatality rate nagpasabot nga mas daghan ang pasyente nga narekord sa 2019 kon itandi sa 2020 gikan sa Enero 1 ngadto sa Pebrero 1.
Midugang ang City Health Office nga gamay rag kaso apan duha ang patay busa mas dako ang fatality rate.
Alang ni Villa, importante ang fatality ratesa pag-ila sa katakos sa siyudad pagsanta sa kamatay sa mga kaso sa dengue ug masuta usab ang ka epektibo sa pagtambal.