Sa Comval: Executive-Legislative Agenda Gipirmahan

Sa Comval: Executive-Legislative Agenda Gipirmahan

by RPN
0 comment 52 views

DAVAO CITY-      Opisyal na nga gipirmahan ni Governor Jayvee Tyron Uy ug SP Members sa pagpanguna nila ni Vice Governor Maricar Zamora ug Senior Board Member Arturo “Chiongkee” Uy ang bag-o nahumang Executive Legislative Agenda (ELA) nga mao ang opisyal nga listahan sa mga nasabotan sa Executive ug sa Legislative nga ilang hatagan og priyoridad sulod sa tulo ka tuig nilang termino.

Sulod na sa daghang mga katuigan nahimo nang batasan sa Comval Province ang paghimo sa ELA kon listahan sa mga butang nga nasabotan sa  Executive Department ug Legislative nga maoy unahon paghatag og hinanaling aksyon sulod sa tulo ka tuig nilang termino aron mapaneguro nga mahatag ang pinakamaayong serbisyo ngadto sa mga katawhang Comvaleño.

Mitambong sa ELA Signing sila Cong. Manuel “Way Kurat” Zamora, Cong. Atty. Ruwell Peter Gonzaga, Mun. Mayors sa pagpanguna ni Mayor Roberto Yugo sa Pantukan, mga opisyal ug miyembro sa National Movement of Young Legislators (NMYL), SK Officials sa pagpanguna ni BM Charlemagne Bautista, Brgy. Officials sa pagpanguna ni BM Raul Timogtimog, ug bag-ong Composition sa Philippine Councilors’ League (PCL) Comval Chapter sa pagpanguna ni PCL President Hon. Nicky Opisan.

Ang “ELA Signing” ilang gihimo atol sa kapistahan sa “Our lady of the Most Holy Rosary” niadtong Oktobre 7,2019 nga sa unang higayon giselebrar sa Comval Sangguniang Panlalawigan (SP) diha sa kapitolyo.

0 comment

Related Posts