Giaresto sa miresponding kapulisan sa Burgos Municipal Police Station ang retiradong Australian soldier alang sa kasong Disobedience and Resistance to Person in Authority in relation sa Akta Republika 11332 didto sa Poblacion 2, Burgos, Surigao del Norte niadtong Domingo, Hulyo 26 human nga gitawag o gisumbong sa usa ka concerned citizen mga alas 7:30 sa gabie.
Naila ang giaresto nga mao si BRITTS COLTOM, 50 anyos, ug temporaryong nagpuyo sa Brgy. Alegria, Sta. Monica, Surigao del Norte.
Sumala pa, nagwild ang maong langyaw nga ubos sa impluwensya sa ilimnong makahubog ug nanghagit ug away.
Gipakalma kini ug gipahunong sa kapulisan apan misukol ug daling misakay sa gray nga Suzuki AVP nga aduna’y Plate No. TQJ 349.
Gigukod kini sa kapulisan ug nadakpan human nga midasmag sa kahoy nga road signage.
Ang suspetsado gidala sa Burgos MPS. (Jun Prex Salubre, Ronda 6 RPN DXKS)