Resulta ng imbestigasyon ng PNP-IAS hinihintay pa ng Malakanyang para malaman ang kapalaran ni Sinas

Nakasalalay sa resulta ng imbestigasyon ng Internal Affairs Services ang magiging pasiya ng Malakanyang sa kapalaran ni NCRPO Chief Brig. General Debold Sinas.

Ayon kay Presidential Spokesperson Harry Roque, hinihintay pa ng Palasyo ang kalalabasahan ng imbestigasyon ng IAS bago makapagbigay ng go signal kung tuluyang sasampahan ng kaso ang opisyal.

Dagdag ni Roque, dito rin matutukoy kung nararapat bang sibakin sa puwesto o hindi si Sinas.

Kaugnay nito, tumanggi naman si Roque na magbigay ng komento sa pasiya ni PNP Chief General Archie Gamboa na panatilihin sa puwesto si Sinas dahil mahihirapan itong palitan habang nahaharap sa krisis ang bansa.