Gihatagan sa hinanaling pagtagad sa mga sakop sa Sangguniang Panlungsod (SP) sa Dipolog atol sa gipahigayong regular session kaniadtong Agosto 25 ang sulat gikan ni Mayor Darel Dexter T. Uy alang sa pag-aprubar sa usa ka resolusyon kalabot sa pagtukod sa Dipolog River Park (120 Liner Meter-Down Stream) nga mikantidad sa napulog lima ka milyon ka pesos (₱15,000,000.00).
Subay niini, gipadas-ug ni Floor Leader Konsehal Raul C. Barbaso ang “ Resolution Favorably Endorsing the Construction of Dipolog River Park (120 Liner Meter-Down Stream),” isip ‘priority project’ sa dakbayan sa Dipolog nga nahilakip sa aprubadong Local Development Investment Program and Annual Investment Program for CY 2020 ning dakbayan.
(City Information Office/ OIC Lyza Bautista, RPN DXKD Dipolog)