Alang sa determinasyon sa Probinsya sa Dinagat Islands nga mapalambo ang kalidad sa serbisyo sa panglawas ug ipakita nga nagpadayon ang determinsyon sa probinsya nga makigdasig ug makigbatok sa mga hamong ginaatubang sa sekto ng panglawas, personal nga gitambungan ni Governor Nilo P. Demerey, Jr., MPM ang gipahigayon nga Universal Health Care Summit karong adlawa, Hulyo 4, 2024 ngadto sa Almont Inland Resort, Butuan City.
Ang maong summit nagtumong nga itapok ang mga eksperto, healthcare professionals ug advocates alang sa pagtuki sa healthcare accessibility ug affordability. Usa sab kini ka oportunidad alang sa mga stakeholders nga adunay nagkalain-laing kinaiya nga maghiusa alang sa pag develop sa mga stratehiya nga kayang musulbad sa atuang mga healthcare challenges. Dungag ani, adunay pagtinabangay nga mahimo alang sa maayong kaugmaon sa musunod nga henerasyon.
Mitambong usab sa maong mahinungdanon nga higayon si Municipal Mayor Simplicia Pedrablanca kauban sa nagkalain laing Municipal Mayors sa rehiyon sa Caraga. (Mark James Lisondra)
(Source: Dinagat Island PIO)