Inpakaamo ni Gob. Matthew Marcos Manotoc a ti RT PCR test, ti Inrekomendar dagiti doctor a mausar iti iseserrek dagiti turista wenno bisita ditoy Ilocos Norte apaman a malukatan ti industria ti turismo ditoy probinsia iti masungad a bulan ti Oktubre.
Nupay kasta, Imbatadna a dakkel a karit ti pannakausar ti nasao a test gapu ta malaksid a nabayag a maamoan ti resulta ket nangina pay.
Mainaig iti daytoy, kunana a mabalin a maipalubos ti pannakausar ti Rapid Antigen test.
Daytoy met a banag ti pinasingkedan ni Dr. Rhina Corpuz, ti mangidadaulo iti pannakaiwanwan dagiti quarantine facilities ditoy Probinsia.
Inlawlawagna a dagiti turista wenno bisita ket maiyasping utu pannakatratar dagiti Authorized Person Outside Residence wenno APOR.
Nupay kast, imbatadna a ti resulta ti nasao a test agpaut laeng iti pito pulo ket dua nga oras a no agpautdagiti maseknan ket mairekomendar ti idadalan pay dagitoy ti RT PCR test wenno mabalin a maulit ti idadalanda iti Rapid Antigen kalpasan ti pitopulo ket dua nga oras.
Malaksid iti daytoy, imbunannag ni Dr. Norman Rabago, Healh Consultant ti probinsia iti COVID-19 abasar iti pannaki-innumanna ken ni Provincial Tourism Officer Mr. Aianree Raquel iti biangdagiti turista masapul nga agrehistro dagiti umay ditoy probinsia wenno mangala dagitoy iti travel agency a mangasistir kadakuada.
Innayonna a dagiti travel agent ti mangmonitor kadagiti turista ken iti agdama ket maad-adal ti mabalin a pannakaipatungpal ti maysa laengen a resulta dagiti pagdalanan a test dagiti turista a naggapo idiay siudad ti Baguio ken ditoy rehion uno.
(OIC Rodrigo G. Sadian, RPN DZRL Batac)
(Source: Office of the Mayor)