Radio Philippines Network
DYKC Cebu News Provincial News

Rally Sa Mga Militanteng Grupo Sa Labor Day Ipaagi Na Lang Sa Social Media

Cebu City- Ipaagi na lang sa online ang lihok-protesta sa mga militanteng grupo karong adlawa nga Labor Day.

Sumala pa sa mga militanteng grupo, ilang nasabotan ang pagpasiugdag  ‘home protests’ sa Adlaw sa mga Mamumuo.

Sa usa ka statement, ang AMA Sugbo-KMU o Alyansa sa mga Mamumuo sa Sugbo-Kilusang Mayo Uno miingon nga sa labing unang higayon sulod sa 134 ka tuig, dili nila masaulog sa kadalanan ang Labor Day.

Pero bisan pa niini, ipadayon nila ang lihok protesta agig depensa sa katungod ug kaayohan sa katawhan pero pinaagi lang una sa internet.

Matod sa AMA Sugbo-KMU, ilang i-post ang mga hulagway ug video sa ilang mga plakards sa social media.

Sumala pa sa grupo, nanawagan sila sa gitawag og scientific ug health-focused solution sa coronavirus disease o Covid 19 ug gisinggit ang kalapasan sa tawhanong katungod nga nahimo sa mga awtoridad sa pagpatuman sa ECQ o enhanced community quarantine ug kalangay sa paghatag sa hinabang sa mga mamumuo nga nawad-an og trabaho.

Ang tsirman sa Ama-Sugbo-KMU, Jaime Paglinawan, mipadayag  nga minilyon pa ang wala pa makadawat sa hinabang gikan sa pamunoang Duterte.

 

Related posts

SARANGANI PROVINCE NAGPABILING CORONAVIRUS-FREE

RPN

Malinawon Ug Hapsay Nga Selebrasyon Sa Fiesta Sa Cdo Gisiguro

RPN

Mga Mahinungdanong Pamaagi Sa Pag Mintinar Sa Kalagsik Sa Panglawas Ug Pang-Isip Maski Anaa Lang Sa Balay

RPN