Linawlawagan ni Mrs. Miriam Ranchez, mangidadaulo ti General Services Office ti probinsial a tip undo para iti COVID-19 ket manipud iti Bayanihan Fund.
Imbatadna a daytoy ket adda iti Resiliency Office nga imatmatonan ni Mr. Marcell Tabije a local disaster risk reduction management officer.
Kunana a ti nadakamat a pangopisinaan ti napusgan a mangkita iti napintas a pannakaiwanwan ti nasao a pundo.
Immun-una ngem iti daytoy impasingked ni Gob. Matthew Marcos Manotoc nga adda paylaeng ti nakasagana a pundo a mausar a panglaban ti probinsia iti COVID-19.
Segun iti gobernador, nagasat ti Ilocos Norte iti pannakairamanna kadagiti probinsia a naipaayan ti Bayanihan Fund.
Maipalagip nga aggagapo iti nasao a pundo dagiti maus-usar para kadagiti “Quarantine Facilities” ti probinsia. (OIC Rod G. Sadian, RPN DZRL Batac)
(Source: Provincial Government of Ilocos Norte)