30 C
Manila
Friday, March 29, 2024

Pulis muerto, cuatro otro personas irido na bangga-an de dos motor na Zamboanga Sibugay

- Advertisement -

Un pulis ya muri y cuatro otro personas, incluwido otro un pulis, el irido cuando ya man bangga-an dos motor na provincia de Zamboanga Sibugay.

Si Coronel Eduard Mallo, el director provincial del pulisiya na Zamboanga Sibugay, ya nombra con el muerto pulis como si Patrolman Abduraham Nurbin del Zamboanga Sibugay 1st Provincial Mobile Force Company.

Aquellos quien ya iri ta incluwi el compañero de Nurbin conosido como si Patrolman Jhon Michael Gallardo; Jhon Riel Torres el tsuper del otro motor y sum aga ankas nombrao como canda Reggie Dicen, y Bernardino Luna.

Asegun con Mallo cay base na investigacion si Nurbin ta maneja motorcyclo y ta sigi con ele ankas si Gallardo cuando ya man bangga canila el otro motorsiclo que ta maneja si Torres maga alas onse cuarenta’y sinco del Miyerkoles denoche na Barangay Kauswagan, Diplahan, Zamboanga Sibugay.

Por causa del fuersa del bangga-an, si Nurbin ya sustene grabe irida na cuerpo y comatos cuando ya lleba conele na hospital.

Pero por mal suwerte, ya rebenta el resuello de Nurbin y ya declara conele muerto el doctor myentras bajo el curada medical.

Admitido na hospital si Gallardo. Canda Dicen y Luna ya pone bajo el observacion na hospital cay tomao sila dos durante el incidente.

Si Torres enseguidas ya sale na lugar del incidente y nohay anda na hospital maskin irido tamen ele. (B. Garcia)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -