Davao City – Nagka engkwentro ang mga sakop sa Kagamhanan tali sa Rebelding New People’s Army kun NPA sulod sa Victorio Beach Resort nga nahimutang sa Purok 10, Talomo Cemento Barangay Talomo ning syudad sas Davao.
Unang nagka engkwentro ang duha ka grupo pasado alas una sa Kadlawon kagahapon nga milungtad sa pila ka minute dayon nga naundang apan pagak alas tress a kadlawon subling nagka bahog bahog ang duha ka grupo.
Pinasubay sa gihimong imbistigasyona sa Davao City Police Office nga gika engkwentro sa Task Force Davao inubanan sa Regional Mobile Force Battalion-XI ug 3rd Infantry Battalion ang mga sakop sa Pulang Bagani Command-1 nga pinanguluhan ni Kumander Jeffrey.
Sumala pa ni Police Chief Superentendent Marcelo Morales ang Hepe sa Police Regional Office XI nga isilbi lang unta sa kapolisan ang Warrant of Arrest batuk ni Kumander Jeffrey gumikan sa kasong Murder, Serious Illegal Detention, Robbery in Band ug ang kasong Attempted Murder. Nasayran nga nakamatikod ang mga sakop ni Kumander Jeffrey nga nangabot ang hiniusang pwersa sa kagamhanan hinungdan nga nahitabo ang binayluay ug bala tali sa duha ka grupo.
Gidugang pa ni Morales nga sila kumander Jeffrey ang grupo nga naka eskapo sa kapolisan dihang nagtapok sila sa may Barangay Langub niadtong nakalabayng bulan sa Oktobre ning tuiga.
Gipaklaro pa sa kapolisan nga mga Sparu Unit sa rebelding NPA ang ilang gika engkwentro ug dili sakop sa Mauti- ISIS sukwahi sa unang migulang balita sa Social Media. Hinuon, nakuha gikan sa lugar din nahitabo ang engkwentro ang pipila ka mga gamit, armas, dokumento ug Improvised Explosive Devise nga gipanag- iyahan sa Rebelding NPA.