Aprobado na ang Provincial Ordinance No. 2020-10-078 giduso ni Board Member Irish Arnado-Beñola, chairwoman sa Committee on Health, alang sa mandatory nga pagsul-ob og face mask, ma-surgical mask man o improvised home-made mask.
Segun ni Board Member Arnado-Beñola, nga usa pud ka lisensyadong nurse, community service ang maabtan sa mga musupak kung dili mugamit n wala pay bakuna nga na-imbento aron mupahunong sa Coronavirus.
Pagsuporta matud pa kini sa lakang sa gobyerno hilabi na sa DILG ug ni Governor Steve Chiongbian Solon aron mapanalipdan ang pagsulod ug pagkatag sa Coronavirus. Nagpabilin sa gihapon nga walay natalang kaso sa COVID-19 ang tibuok Sarangani Province. Dungan kining tumanon sa gipahugtan nga mga palisiya sa stay at home, physical distancing ug hand washing.
Gimanduan ang tanang pampubliko ug pribadong establisemento nga dili magpasulod og tao kung wala naka-face mask. Tulo (3) ka oras nga community service ang silot sa first offense. Pwedeng ubanan sa violator ang mga taga-barangay magtuyok sa ilang mga purok alang sa awareness campaign aron ipalapnag ang kamahinungdanon sa pagtuman sa mga paulisan kauban ang mga force multiplier nga i-implementa kini nga ordinansa, sa pagsuporta kana nila Senador Manny ug Congressman Ruel Pacquiao, Vice Governor Elmer De Peralta, tanang board member ug mga mayores.
Samtang, padayon ang pang-apud apod sa cash assistance ilalum sa social amelioration program kon SAP sa DSWD. Unang natagaan niaging semana ang mga kwalipikadong pamilya/household sa lungsod sa Glan, Kiamba ug Malapatan. Kagahapon, nakadawat na ang mga benepisyaryo sa Malungon, ug karong adlawa ang Maasim napud ang maka-benipisyo sa maong SAP emergency cash subsidy prog.