Provincial Government Dili Pa Mopaluag Sa Mokadto Sa Siargao Tungod Sa Saka-Kanaug-Saka Na Kaso Sa COVID-19

Gibutyag ni Dr. Arlene Felizarta na imbes moubos na an cases sa CoViD-19, misaka hinoon kini pagbalik human nga may bag-ong nagpositibo sa syudad nan Surigao.

Gumikan niini, padajon gihapon tagrequire an negative antigen test result sa mga motabok ngadto sa Siargao. Naningkamot kuman an probinsiya na makasustinir sa libre nga test sa mga Surigaonon na mokadto sa Siargao. Kahapon nahutdan nan supply sa testing kits an probinsiya hinungdan nga kasamtangan nahunong an swabbing sa grandstand. Taglauman kuman hapon may moabot na dugang supply.

Duha na ka na-test sa antigen naconfirmed positive.

Nakakwarantina na kuman sa Brgy. Bonifacio Quarantine Facility sanan sa Surigao del Norte Provincial Hospital an isa ka taga syudad sanan isa ka taga-Socorro nga nagpositibo sa antigen adisir an biyahe pa-Siargao. Sumala pa ni Dr. Arlene Felizarta na sa RT-PCR Test, nakonpirmar an duha nga jaoy CoViD-19 nakasuyod sa ila lawas.

Samtang tanan empleyado sa Kapitolyo an negative sa Antigen Test results.

Sumaya pa ni Governor Francisco Matugas sa live interview kuman buntag sa programang Hingas Baranggayanon, CoViD-19 Sumpoon kada Miyerkules sa alas 8 sa buntag dinhi sa RPN DXKS, panahon na magsugod na sa operasyon an PRC Molecular Laboratory, RT-PCR Negative Test result na an i-require sa mga mobiyahe aron seguradong dili mokanat an virus.
(RPN DXKS Surigao)