Pipila ka adlaw sa dili pa pormal nga moduso sa iyang certificate of candidacy, gipadayag ni Gov. Victor J. Yu ang pipila sa mga priority programs nga iyang pagatutokan kung mapili siya pagka-Mayor sa Pagadian.
Atol sa usa ka media interview, gibutyag ni Gov. Yu nga kanunay siyang makadungog sa problema labot sa tubig sa dakbayan ug matud pa niya nga angay i-review ang agreement tali sa PAMANA ug sa PCWD aron mahatagan og konkretong solusyon ang nasangpit nga problema.
Lakip sa mga prayoridad usab sa gobernador ang garbage disposal sa syudad ug ang planong pagmugna og sewage treatment plant aron mapakunhod ang water pollution ilabina sa kadagatan.
Gilakbitan usab ni Gov. Yu ang iyang plano nga himoong “digitalized” ang pagbayad sa buwis sa syudad aron mas paspas ug transparent ang transaksyon.
Dugang pa niini, nahisgotan usab sa gobernador nga butangan og saktong mga personnel ug kagamitan ang Danlugan Infirmary aron mapahimuslan sa katawhan sa Pagadian.
Matud ni Gov. Yu nga kung kinahanglan magtukod og hospital sa sentrong bahin sa syudad, ila kining pagatun-an aron makatabang sa pag-decongest sa Zamboanga del Sur Medical Center diin 70% sa mga giserbisyohan niini gikan sa dakbayan.
(Source: Victory Zamboanga del Sur Facebook page)