Presyo Sa Bulak Hilabihan Katas Niing Valentine’s Day

CAGAYAN DE ORO CITY- Hilabihan ka taas ang presyo sa bulak nga gibaligya dinhi sa Cagayan de Oro samtang daghan sa mga tawo ang mihulpa sa mga flower shops tungod sa Valentine’s Day.

Ang usa ka bulak nga roses mokostar sa tag 50 pesos samtang ang usa ka bouquet niini nga langkoban sa 12 ka roses anaa sa tag 600 pesos ug kon duha ka dosena sa roses nga adunay desinyo, mokostar na kini sa P2,500. Kini momahal pa kon apilan pa ang mga bulak sa stuff toy ug tsokolate.

Matud pa ni Alfe Sepulbida, usa ka distributor sa bulak sud na sa upat ka tuig, nga ang presyo sa bulak momahal gayod panahon sa Valentine’s Day, All Saint’s ug All Soul’ Day. Apan taliwala pa man niini, daghan gihapon ang mopalit kanila sa bulak.