Manamnama nga agpipinnirma ti katulagan ti Phil. Sports Commission wenno PSC, Philippine Amateur Sepak Takraw Association ken Mariano Marcos State University iti masungad a lawas.
Inlawlawag ni Mrs. Helen Rose Domingo, sports development officer ti gobierno probinsial a ti panagpipinnirma dagitoy ti katulagan ket mainaig iti panagensayo ti Philippines Men’s national Sepak Takraw team ditoy probinsia babaen iti panangusarda iti pasilidad ti unibersidad.
Imbatadna nga ti umun-una a gundaway ket adda ti pammilin ni Gob. Matthew Marcos Manotoc iti Ilocos Norte Sports Development Office a mangikoordinar iti MMSU iti panagensayo ti nasao a team iti nadakamat a pagadalan.
Mainaig iti daytoy, impeksana ti napalaos a apanagyamanna ken Dr. Sherley Agrupis a president ti MMSU iti panangipalubosna a mausar dagiti pasilidad ti unibersidad a pagensaywan ti nadakamay a national team.
Inbunannagna a naituding met iti iyuumay ni Miss Karen Tanchanco, president ti Philippine Amateur Sepak Takraw Association ditoy probinsia mangisayangkat ti ‘’ocular inspection’’ ti mausar a pasilidad ti unibersidad ken ti temporario a pagtarusan dagiti coaches ken dagiti kameng ti nasao a team iti masungad a lawas. (Cita Macalipis, RPN DZRL Batac Correspondent)
(Source: Ilocos Norte Sports Development Center)