PRC target pa ring makapagproseso ng 8,000 COVID-19 tests kada araw

Nananatili ang target ng Philippine Red Cross (PRC) na makapagproseso ng 8,000 coronavirus disease 2019 (COVID-19) tests kada araw.

Gayunman, aminado si PRC Chairman Richard Gordon na mayroon talagang mga hindi inaasahang pangyayari na nakakasira sa kanlang mga plano katulad ng pagkasira ng isang equipment o kakulangan ng suplay dahil mayroong global shortage.

Hanggang kahapon anya ay nasa 3,000 COVID-19 tests ang kanilang naproseso sa loob ng isang araw.

The other day when I said 8,000, nagyayabang ba ‘ko? No. That is our goal,” ani Gordon.