- Advertisement -
Nananawagan ang Philippine National Police (PNP) sa lahat ng lalahok sa transport strike na manatiling masunurin sa batas at wag na magtangkang gumawa ng ano mang uri ng karahasan na maaaring ikaperwisyo ng publiko.
Ito ay kasunod ng pagkakasa ng mga grupo ng tsuper ng tigil pasada bilang kanilang pagprotesta sa anila ay abusadong probisyon ng transport modernization program ng gobyerno.
Ayon sa tagapagsalita ng PNP na si Police Brigadier General Bernard Banac, handa ang kanilang hanay sa pagbibigay ng seguridad sa ginagawang kilos protesta ng mga grupo ng tsuper ngayong araw. — ulat mula kay Jaymark Dagala (Patrol 9)
- Advertisement -