PNP Chief Albayalde nagsagawa ng aerial inspections sa mga binahang lugar sa Metro Manila

Nagsagawa ng aerial inspection si Philippine National Police Chief Director General Oscar Albayalde.

Ito ay upang tignan ang sitwasyon sa mga lugar na matinding naapektuhan ng pagbaha bunsod ng pag-ulang dala ng hanging habagat.

Kasamang naglibot ni Albayalde sina NCRPO Director Chief /Supt. Guillermo Eleazar at Public Information Office Head Chief/Supt. Benigno Durana.

Partikular na nilibot ni Albayalde ang bahagi ng Marikina, Pasig City, ilang lugar sa Rizal at Gitnang Luzon para tingnan ang laki at lawak ng pinsalang idinulot ng pagbaha.