Gigisa sa mga konsehal sa syudad sa Gensan ang opisyal sa PLDT sa dihang gipatawag kini atoll sa regular session kagahapong adlawa human nakadawat ug daghang mga reklamo ang mga konsehal sa syudad sa hinay ug nagkamang nga internet connection pinaagi sa TELCO nga PLDT .
Matud pa sa opisyal sa PLDT nga mas gipakusgan karon ang ilang internet connection gamit ang fibr optic cable connection alang sa mas kusog nga wifi internet connection sa matag panimalay ug kaha mga commercial establishments apil ang uban pang pribado ug pampublikong institution.
Apan reklamo sa mga tawo ug gibarugan kagahapong adlawa nila Kagawad Jose Orlando Acharon ug Kagawad Franklin Gacal Jr. nga hinay ang internet connection ug nagkamang apan paspas kaayong mangulekta ang PLDT ug mamutol sa mga wala makabayad sa ilang mga due dates . Giasoy sa maong mga konsehal nga wala gituman sa PLDT ang gisaad nga serbisyo subay sa package kon gibayaran sa mga subscribers kon gikusgon subay sa number of MBPS .
Tubatg sa opisyal sa PLDT nga posibling daghan ra usab ang migamit sa maong wifi internet connection ug mubu lamang ang MBPS package hinungdan nga mihinay ang connection . laing factor usab mao ang pipila ka area nga hinay ang connectivity tungod gikinahanglan pang ipa improve ang mga signal sites . kada tuig matud pa ang maong expansion sa mga tower para sa signal sa PLDT internet connections .
Kabahin sa pangutana nga limited slots lamang matag area nga makapa-connect sa fibr optic cable , giangkon sa maong opisyal sa PLDT Gensan nga tinuod ang maong impormasyon ug ang gitauran sa fibr optic box sa matag purok or community ang limitado lamang aron mamintinar ang gikusgon sa internet connection .
Samtang nagkanayon ang mga konsehal nga ilang bisitahon ang opisina sa PLDT Gensan aron masuta ang mga reklamo sa mga subscribers ug miuyon usab niini ang mga tagdumala sa PLDT . Nanaad kining hatagan ug pagtagad ang mga reklamo sa mga customers /subscribers alang sa maayong intenet connections .
Samtang sa pagkakaron , naglaum usab ang katawhan nga mosulod na ug mohahatag ug serbisyo ang ikatuloong TELCO nga mao ang DITO usa ka Chinese TELCO nga mosulod ug mohatag ug paspas nga internet connection sa nasud Pilipinas ug diri sa Gensan nga sa pagkakaron padayon ang paghimo ug mga torre ug nananghid sa mga local government units . Gilauman nga mo-operate pipila ka bulan gikan karon. (Roniel Degorio RPN DXDX Gensan)