Gisupak ni Cebu Governor Gwen Garcia ug ni Lapu-Lapu City Mayor Junard Chan ang rekomendasyon nga ipa ubos sa lockdown ang Sugbo basi sa mutations sa Covid-19 virus nga gi-ingong nasuta sa rehiyon.
“Don’t mess with us. We can take care of ourselves. I will not and never again accept a lockdown. I’ll fight for Cebu and the Cebuanos because Cebu is moving on and moving forward.” mensahi ni Garcia.
“Strange, if not premature,” Kini maoy paghulagway ni Garcia labot sa rekomendasyon sa pagbutang sa lalawigan sa Sugbo ubos sa lockdown basi sa mutations sa Covid-19 virus nga mitunaw.
“Ay mo’g pataka dinha pang-rekomendar og lockdown, sayunan lang mo, no?”, reklamo ni Gwen.
Gikwestyon ni Garcia nga wala man gani maka rekomenda og lockdown sa mga Metro Manila Cities nga tag-as pud kaayo ang mga positive cases.
“I wonder why?” Is it because ni-announce ko nga Cebu is open for domestic tourism now?”, matod pa ni Garcia.
Dugang sa gobernador nga ang pag lockdown makadugang lang sa pagka daut sa ekonomiya sa lalawigan.
Samtang sa dakbayan sa Lapu-Lapu, si Mayor Chan di sab mosogot sa lockdown.
“Di ko mosogot nga ipaubo og lockdown ang atong dakbayan kay maapektuhan ang panginabuhian sa mga Oponganon. Kaya ni nato basta magtinabangay ug ta ug mosonod sa health protocols,” pamahayag ni Chan.
Matod sa mayor nga atol sa ilang Zoom meeting kagahapon sa buntag kauban sila si Dr. Jaime Bernadas ug Dr. Mary Jean Loreche sa DOH-7,ilang gipahibaw nga ni rekomendar ang ulohang buhatan sa DOH nga ipa-ubos sa og lockdown ang tibook Sugbo.
Subay niini, inay nga mag lockdown, miluwat si Chan ug bag-ong executive order alang sa pagpahugot sa pagpatuman sa mga health protocols sa syudad. (Jhon Tadlip/JTY)
(Source: Cebu Provincial Government | Lapu-Lapu City Public Information Office, photo courtesy of Cebu Provincial Government)