30 C
Manila
Friday, March 29, 2024

Pito Ka Tawo Nga Gikaduol Sa Unang Pasyente Sa Covid 19 Sa Bantayan Negatibo Sa Virus

- Advertisement -

Cebu City- Negatibo sa impeksyon sa Covid 19 ang pito sa 33 ka tawo nga nailhang gikaduol sa kompirmadong kaso sa Bantayan.

Mao kini gipahibawo sa lungsod kagahapon pinaagi sa  post sa Facebook.

Sumala pa sa kadagkoan sa Bantayan, pulos negatibo ang miabot nga resulta sa test niadtong Abril 29 sa unang hut-ong sa close contacts sa pasyente.

Ang nahibiling 26, nga gihiling paga Abril 30 ug Mayo 1 wala pay resulta.

Sa nasayran, ang unang kaso sa virus sa Bantayan gikataho niadtong Abril 28 atol sa regular virtual presser ni Gob. Gwen Garcia.

Ang pasyente nga taga brgy. Kabac pabiling naadmit sa VSMMC o Vicente Sotto Memorial Medical Center.

Samtang laing lima ka tawo nga dili kontak sa unang pasyente sa Covid 19 sa lungsod nga giila nga PUM o persons under monitoring, negatibo usab sa virus.

Gikan sa  Abril 27 ngadto sa Mayo 1, 45 ka swab specimen ang gipa-test sa lungsod.

Segun sa advisory, maayo kining balita alang sa mga taga Bantayan ug samtang magpaabot sa ubang resulta, padayong magtamod sa safety protocols.

 

May 6/Local

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -