Cebu City – Gihulagway sa pipila ka mga tambalanan sa Metro Cebu nga medyo na arang arang na ang sitwasyon sa hospital labot sa mga pasyente sa Covid-19.
Gani, ang ARC hospital, usa ka pribadong tambalanan nga nahimutang sa Dakbayan mipahibaw nga zero admitted confirmed positive Covid-19 patient na sila pagka Septembre 4, 2020.
Ilang panawagan nga ipadayon ang kanunayng pag amping ug pagsunod sa mga infcetion control protocols sama sa social distancing, pagpang hunaw sa kamot ug pag sul-ob ug face mask.
Pahimangno niini ngan dili angayan nga maglangan sa pagpatambal.
Samtang ang Vicente Sotto Memorial Medical Center duna silay 37 ka mga confirmed positive Covid-19 cases nga natala Septembre 4, 2020.
Naa kini sa 20 porsento sa ilang Covid-19 beds utilization rate, base sa ilahang VSMMC Covid-19 tracker ug Beds Utilization monitoring.
Kahinumduman nga sa miaging pipila ka buwan, dihang misulbong pa ang mga kaso dala sa maong virus, nasiri siri ang mga pasyente pagpangita ug asa sila maka patambal.
Gikataho pa nga dunay pipila ka mga pasyente nga naka nagpaabot ug taas nga oras aron masud sa tambalanan ug ang nakabsan gyud sa kinabuhi.l via Jhon Tadlip
(Sources: Vicente Sotto Memorial Medial Center & ARC Hospital)