Tungod sa pagpatuman sa Modified Enhance Community Quarantine (MECQ) ning syudad, subling gilimitahan sa kadagkuan sa City Economic Enterprises Department (CEED) ang entrance ug exit sa merkado sa Cogon ug Carmen.
Si CEED Officer-in-Charge Marfe Dacoco namahayag nga ang Gate 1 sa JR Borja area mao ang exit, samtang ang Gate 8 sa Yacapin area usab ang entrance alang sa mga mamalitay.
Ang Gate 2 sa Capt. Vicente Roa area mao ang entrance ug exit alang sa mga stallholders ug laborers lamang samtang ang Gate 12 sa Osmeña area mao usab ang entrance sa mga stallholders ug laborers.
Ang Gate 13 sa may landing area stairs ang alang sa mga stallholders ug laborers sa 2nd floor.
Dumduman nga ubos sa MGCQ, adunay 15 ka mga entrance nga giabrihan ang merkado sa Cogon aron dili magtapok sa pipila lamang ka mga gate ang mamalitay ilabina nga dili na kaayo istrikto ang guidelines ubos sa MGCQ.
Samtang sa merkado sa Carmen ang Unitop gate gihimo kini nga entrance ug exit alang sa mga mamalitay.
Ang Gate 4 sa may dalan V. Neri ug Gate 16 sa dalan Ipil nga bahin maoy entrance/exit para sa mga stallholders ug laborers.
Alayon niini, gihangyo ug gipahinumduman ni Dacoco ang mga mamalitay nga magdala kanunay sa ilang barangay exit pass, company ID ug QR code kay mao kini ang pangitaon inig sulod nila sa merkado ug labaw sa tanan insakto nga pagsul-ob sa face mask ug face shield. (ALR | City Information Office)