Iriga City — Dai na nag-galas an mga namamanwaan sa banwaan kan Nabua sa sampling selebrasyon kan saindang pintakasi kasu-odma Mayo 3, 2021.
Ini harayo sa mga nagtalikod na taon kun sain wala-tuo an mga kasiributan, kaogmahan asin baraylihan sa sinambit ng banwaan.
Sigun sa nagin pahayag ni Mayor Fernando Simbulan, ginibo sana kan local na gobierno kun ano an dapat ngunian na panahon nin pandemya nin covid-19 mientras na an Nabua saros a mga high risk areas sa probinsya nin Camarines Sur huli sa naglolobong mga kaso kan virus.
Katakod kaini, nagin malinig an sinambit ng banwaan maski sa mga negosyantes asin kulang man an naka-abot na mga bisita.
Alagad, dai man sinayang kan local na gobierno kan Nabua an pagkakataon tanganing magbariwas nin bitamina sa mga frontliners asin PPEs hali sa 42 na barangays.
Pinaginutan kan MDRRMO an okasyon sa pagtubod na kaipuhan na mapangatamanan an interes kan BHERT asin iba pang frontliners kan banwaan. (Melvin F. Barayoga, RPN DZKI Iriga OIC)
(Source: LGU Nabua)