PHILIPPINE RED CROSS-SURIGAO DEL NORTE CHAPTER PADAYON SA MGA GIMBUHATON LUYO SA NAGPADAYONG HULGA SA PANDEMYA
Luyo sa nagpadayon ug nagkataas nga hulga sa CoViD-19 pandemic gumikan sa nagsaka nga ihap sa kaso sa mga nagkasakit, padayon pa gihapon sa mga gimbuhaton ang Philippine Red Cross-Surigao del Norte Chapter sa pagpanguna ni Mrs. Marilou Talingting, ang Chapter Administrator uban sa commitment nga padayong mahatod ngadto sa mas bulnerable nga komunidad ang ilang mga serbisyo.
Sama niadtong Hunyo 17 hangtod 18, 2020 nga mipahigayon ug pagbansay ang Philippine Red Cross didto sa Brgy. Cantapoy, Malimono, Surigao del Norte ug Climate-Smart Agriculture: Bio-intensive Gardening (BIG) nga gipartisiparan sa 25 ka mga indibidwal sama sa mga mag-uuma, RC143 Volunteers ug mga opisyales sa barangay, nga giabagan sa proyekto sa Youth Ignite Agents of Change (YIAC), ug gisuportahan sa Netherlands Red Cross ug BLGU Cantapoy.
Tumong sa maong training nga matabangan ang komunidad aron masustiner ang ilang seguridad sa pagkaon ug maproteksyonan ang ilang panginabuhian gikan sa natural ug man-made hazards.
Ug niadtong Sabado, Hunyo 20 gihimo sa Red Cross-Surigao del Norte ang pagdonar sa Thpal Nickel Corporation sa napulo (10) ka 55 gal. empty drums alang sa pagahimuong handwashing units agig pagsuporta sa gobyerno sa paglikay sa pagkuyanap sa CoViD-19.
Kahinumduman, nga niadtong Hunyo 13, 2020, una ng midonar ug unom (6) ka handwashing units sa Red Cross ang Taganito Mining Corporation aron ipanghatag ngadto sa identified areas sa probinsya. (Jun Prex Salubre, Ronda 6 RPN DXKS)
Â