Mangnamnama ti Provincial Government of Ilocos Norte babaen ti panangidaulo ni Governor Matthew Marcos Manotoc a ti Tawen dos mil bainte uno ket agbalin a naimballaigian ken nabunga iti baetan ti kinaadda ti COVID-19.
Segun ken Gov. M3 ti COVID-19 pandemic ket nagbalin kas pannubok para kadagiti stakeholders iti benneg ti torismo a no ayanna na kaaduan kadagiti naapektaran ket dagiti small homegrown enterprises ken family-owned businesses gapuanan nga addu dagiti naawanan iti trabaho.
Gapo kadagiti naiyetnag a health protocols para iti panakaprebentar ti panagwaras ti COVID-19 nagbaba ti workforce iti panagbiyahe ken accommodation industries pakairamanan dagiti kasapulan para iti locally manudactured products and commodities ket bimmaba.
Nangiyeplementar ngarud dagiti provincial officials ken stakeholders iti “survival measures” kas temporaryo a panangpasayaat ti kalidad ti panagbiag dagiti umili pakairamanan ti seguridad ti kaaduan bayat a bangbangunen manen ti ecomomic activities.
Naamuan ngarud a sumagmamano kadagiti prayoridad ket ti rehabilitation program ti Tourism and Livelihood Continuity Program, Heritage Livelihood Continuity Program, Buy IN Project, ken dadduma pay.
Iti agdama agarup 43,000 beneficiaries ti nakaawat ti gift packages iti porma ti livelihood kits, business start-ups, agricultural equipment, vouchers, training ken financial assistance.
Author: Mary Rose Antonio, RPN – DZRL Correspondent
Source: PGIN