Cagayan de Oro – Padayong gipangita karon pinaagi sa Hot Pursuit Operation ang Person of Interst kon POI sa mispul patay sa usa lalaki didto sa Sitio Makapaya, Barangay Upper Camaman-an, Cagayan de Oro City gahapon.
Biktima sa maong pagpamusil patay mao si Angelou Ganya Elola, 20 anyos, lumulupyo sa Brgy. Indahag ning syudad, dunay usa ka anak ug bulag sa asawa nga atua na nagpuyo sa Gingoog City, ug laborer.
Sa inisyal nga imbistigasyon ni PMajor Abdul Amama, OIC sa Police Station Cogon, dunay ilang nakuha nga ubay ubay ka mga empty shell gikan sa kalibre 22 ug kalibre 45 nga armas sa biktima
Gikunpermar sa kapolisan nga unom sa bala gikan sa kalibre 45 nga armas ang niigo sa lawas sa biktima diin nakaangkon sa samad sa ulo ug nagkadaiyang lawas ang biktima hinungdan sa hinanali niining kamatauon.
Hisayran nga sa pakisusi sa SOCO nakuha gikan ni Angelou ang Marijuana Paraphernalia, Sachet sa gidudahang shabu, usa ka shot gun, kalibre 22 ug kalibre 45 nga armas, improvised fire arm, Chainsaw ug uban pang ebidensya nga nahipos sa mga kapolisan.
News written by Cheleste Simene