Impasingked ni Asst. Provincial Engineer Lanie Daquioag iti Provincial Engineering Office nga agtultuloy dagiti adu a proyekto da kadagiti ospital ti probinsia pakairamanan iti pannakaaramid pay ti nayon a lima a beds para iti isolation room iti Governot Roque Ablan Senior Memorial Hospital.
Inpalgakna a maysa ti GRASMH kadagiti recipient ti World Bank Covid-19 Emergency Response Project tapno masungbatan iti kasapulan dagiti umili no bilang adda dagiti maapektaran iti infection.
Kunana nga adda iti maipaay a pundo ti World Bank malaksid pay iti tulong ti gobierno probinsial kas impasigurado ni Ilocos Norte Gob. Matthew Marcos Manotoc.
Imunan nga inyunay-unay ni Gob. Marcos Manotoc a kasapulan nga adda latta dagiti nakasagana a isolation rooms tapno adda iti sindadaan a pagyanan dagiti sumangpet a kailian a Locally Stranded individual ken Returning Overseas Filipino Workers a naakaran iti Virus.
Impasingked ni Engr. Lanie Daquioag nga adu pay dagiti iyimplementar ti Provincial Engineering Office iti liderato ni Gob. Matthew Marcos Manotoc para iti pannakapapintas dagiti fasilidad ti hospital kangrunaanna iti GRASMH.
Inlawlawagna ngaiyur-uray da laeng tip undo manipud iti Dept. of Health sakbay a marugian dadduma pay a nakalinya a Covid-19 Emergency Response Project.
Kabayatanna, addaanen ti Probinsia iti dua nga isolation facilities ken 11 a Quarantine facilities sipud nangrugi ti epidemiya iti novel corona virus disease.
Manamnama a matarimaan pay iti likud a paset ti takuat training center kalpasan a binisita ken inyuswat iti insoection itay kallabes ti pannakabagi ti Office of the Civil Defense Region-1 ken Task Force Salun-at para kadagiti pasyente a kumpirmado iti covid-19 nga asymptomatic.
(Irene Ringor, RPN DZRL Correspondent)
(Source: Provincial Engineering Office)