Niining opisyal na nga gikumpirma sa PAGASA, ang State Weather Bureau sa Pilipinas nga nagsugod na ang panahon sa ting-ulan o rainy season sa nasud, gipanawagan karon ni Governor Bambi Emano ang Provincial Disaster Risk Reduction Management Office (PDRRMO) nga magbinantayon sa sitwasyon sa probinsya.
“Calling the attention of PDRRMO ang ingon sa PAG-ASA nagsugod na ang monsoon season or rainy season mao na nga magbantay, mas mag-igmat.” Panawagan ni Governor Bambi Emano ngadto sa PDRRMO.
Dugang pagpa-ambit sa amahan sa lalawigan nga pait ang mahimong resulta kung pakyas ang panggamhanan sa pagpanggandam sa ting-ulan ilabina niining kalisod sa katawhan dala sa COVID-19 ug African Swine Fever (ASF).
“Pait kung dili ta preparado. Naay bagyo, COVID, naa pay African Swine Fever so I’m calling the attention of our personnel from PDRRMO.” Matod ni Governor Emano.
Kanunay nga kaluwasan ug proteksyon sa matag Misamisnon ang prayoridad sa amahan sa lalawigan ug panghinaot karon ni Governor Bambi sa publiko nga kanunay magbinantayon sa palibot ilabina karon sa panahon sa ting-ulan. (Reymark Semaña, PIO)
(Source: Misamis Oriental Provincial Information Office Facebook page)