CAGAYAN DE ORO CITY- Blangko pa ang kapolisan sa paghatag hinungdan sa pagpusil patay sa usa ka Church Pastor ug seafood vendor sa Barangay Tumpagon ning dakbayan sa Cagayan de Oro sa nakalabay nga adlaw.
Ang biktima 50 anyos naila nga si Alberto Alferez molupyo sa Zone 3, San Lazaro, Lapasan ning dakbayan. Matud sa mga police investigators nga si Alferez, pastor sa Way of Life Church Ministry ug usa pud ka seafood vendor. Ang biktima sakay sa iyang motorsiklo sa dihang gipusil sa wa pa mailhing suspetsado pipila ka metros gikan sa suba nga maoy utlanan sa lungsod sa Opol, Misamis Oriental ug sa Barangay Tumpagon.
Ang biktima nakahiagom sa igo sa pusil sa ulo ug tuong abaga niini sa wa pa mailhing armas. Suma pa ni inspector Jerson Estanilla, ang hepe sa police station 8 nga hangtod karon padayon pa nila nga gikuha ang lead ug anggulo sa insidente aron makuha nila ang motibo pagpatay sa biktima.
Gidugang ni Estanilla nga wala silay makuhang witnesses ug mga edidensya nga makatumbok sa mga perpetrators. Ilang gituhuan nga posibleng tulis ang motibo, walay poy gisulti ang pamilya nga adunay nahimong kaaway ang biktima. Sa pikas bahin dili pud tulis ang mahimong motibo tungod kay ang kwarta, motorsiko ug ubang gamit sa Pastor ang nagpabilin ra kining intact.
Gisugilon ni Estanilla nga naghangyo na ang pamilya ngadto sa otoridad nga ipaautopsiya ang patayng lawas sa biktima.